https://sputnik.kg/20211210/sadyr-zhaparov-kyrgyzstandyktarga-kayryldy-1054921715.html
Жапаров: адам укугун жана эркиндигин сактоо менен абалды өзгөртө алабыз
Жапаров: адам укугун жана эркиндигин сактоо менен абалды өзгөртө алабыз
Sputnik Кыргызстан
Президент укуктук мамлекетти мындан ары да өнүктүрүү бардык бийлик органдарынын жалпы максаты экенин белгиледи. 10.12.2021, Sputnik Кыргызстан
2021-12-10T10:12+0600
2021-12-10T10:12+0600
2021-12-14T14:27+0600
жаңылыктар
кыргызстан
коом
садыр жапаров
укук
эркиндик
кайрылуу
https://sputnik.kg/img/07e5/09/16/1053989424_0:80:2836:1683_1920x0_80_0_0_4c5ae9a1a9cbd436649f22a5d2c227e5.jpg
БИШКЕК, 10-дек. — Sputnik. Президент Садыр Жапаров Адам укугун коргоонун эл аралык күнүнө байланыштуу кайрылуу жолдоду.Мамлекет башчы 1948-жылдын 10-декабрында Бириккен Улуттар Уюму тарабынан алгачкы эл аралык документ — Адам укуктарынын жалпы декларациясы кабыл алынганын эске салды. Анда инсандын негизги укуктары жазылып, алар менен бирге эркиндигин да коргоонун негизги принциптери түзүлгөнүн белгилеген.Ошондой эле президент динине, жынысына, улутуна, тилине, саясий көз карашына карабастан, ар бир кыргызстандыктын укугу менен эркиндигин камсыз кылуу жана коргоо Конституция менен кепилденгенин кошумчалады. Мындай укуктук мамлекетти андан ары өнүктүрүү — Кыргызстандын бардык бийлик бутактарынын жана жергиликтүү өз алдынча башкаруу органдарынын жалпы максаты экенин билдирди."Чыныгы укуктук коомду курууга багыт алган жолду жеңил деп айтууга болбойт. Ар бирибиз экономикасы туруктуу жана социалдык саясаты өнүккөн мамлекетти курууга өбөлгө түзүү үчүн бардык күчүбүздү жумшашыбыз керек. Биз күч-аракетибизди бириктирип, Кыргызстан жарандарынын укуктарын жана эркиндигин сактоо аркылуу гана абалды жакшы жагына өзгөртө алабыз деп ишенем", — деп кайрылды мамлекет башчы.Соңунда Жапаров кыргызстандыктарга чын ниетинен тынчтык, ден соолук, бакубаттык жана эртеңкиге болгон ишеним каалады.
https://sputnik.kg/20211209/sadyr-zhapaoov-korrupciya-kurosh-1054908860.html
Sputnik Кыргызстан
media@sputniknews.com
+74956456601
MIA „Rosiya Segodnya“
2021
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
жаңылыктар, кыргызстан, коом, садыр жапаров, укук, эркиндик, кайрылуу
жаңылыктар, кыргызстан, коом, садыр жапаров, укук, эркиндик, кайрылуу
Жапаров: адам укугун жана эркиндигин сактоо менен абалды өзгөртө алабыз
10:12 10.12.2021 (Жаңыртылды: 14:27 14.12.2021) Президент укуктук мамлекетти мындан ары да өнүктүрүү бардык бийлик органдарынын жалпы максаты экенин белгиледи.
БИШКЕК, 10-дек. — Sputnik. Президент Садыр Жапаров Адам укугун коргоонун эл аралык күнүнө байланыштуу кайрылуу жолдоду.
Мамлекет башчы 1948-жылдын 10-декабрында Бириккен Улуттар Уюму тарабынан алгачкы эл аралык документ — Адам укуктарынын жалпы декларациясы кабыл алынганын эске салды. Анда инсандын негизги укуктары жазылып, алар менен бирге эркиндигин да коргоонун негизги принциптери түзүлгөнүн белгилеген.
"Азыркы учурда аталган документ жана анын жоболору мамлекеттин демократиялык негиздерин бекемдөөдө чечүүчү ролду ойнойт. Кыргызстандын мыйзамдарына ылайык, күчүнө кирген эл аралык укуктун жалпы таанылган принциптери жана ченемдери өлкөнүн мыйзамдар тутумунун ажырагыс бөлүгү болуп саналат. Бүгүн биз жашообузду адамдын жана жарандын укуктары менен эркиндигин коргоодогу демократиялык баалуулуктарсыз элестете албайбыз", — деди Жапаров.
Ошондой эле президент динине, жынысына, улутуна, тилине, саясий көз карашына карабастан, ар бир кыргызстандыктын укугу менен эркиндигин камсыз кылуу жана коргоо Конституция менен кепилденгенин кошумчалады. Мындай укуктук мамлекетти андан ары өнүктүрүү — Кыргызстандын бардык бийлик бутактарынын жана жергиликтүү өз алдынча башкаруу органдарынын жалпы максаты экенин билдирди.
"Чыныгы укуктук коомду курууга багыт алган жолду жеңил деп айтууга болбойт. Ар бирибиз экономикасы туруктуу жана социалдык саясаты өнүккөн мамлекетти курууга өбөлгө түзүү үчүн бардык күчүбүздү жумшашыбыз керек. Биз күч-аракетибизди бириктирип, Кыргызстан жарандарынын укуктарын жана эркиндигин сактоо аркылуу гана абалды жакшы жагына өзгөртө алабыз деп ишенем", — деп кайрылды мамлекет башчы.
Соңунда Жапаров кыргызстандыктарга чын ниетинен тынчтык, ден соолук, бакубаттык жана эртеңкиге болгон ишеним каалады.
