БИШКЕК, 3-дек — Sputnik. Бишкек шаарынын Свердлов райондук администрациясы ден-соолугунун мүмкүнчүлүгү чектелген адамдарга (ДМЧА) материалдык жардам көрсөттү деп билдирет шаардык муниципалитеттин басма сөз кызматы.
Жардам № 24 жана № 48-Балдар коомдук уюмдарынын биримдигинин (БКУБ) сүйлөө жөндөмү начар балдарына, Шаардык реабилитациялык борборго, кулагы начар уккан жана кийинчерээк кулагы укпай калган балдар үчүн адистештирилген" 21-мектеп-интернатына, кургак учукка каршы шаардык ооруканага, кулагы укпагандар үчүн адистештирилген мектеп-интернатына жана №30-адистештирилген көмөкчү мектепке көрсөтүлдү.
Свердлов районунун башчысы Алтынай Өмүрбекова аталган уюмдарга төшөнчү-шейшептерди, музыкалык борбор, майыптар үчүн үч коляска жана телевизор тапшырды. №124 БКУБда райадминистрациянын күчү менен "швед эмереги" орнотулду.
Иш-чара ДМЧАны колдоо боюнча Майыптардын эл аралык күнүнө арналган "Биз биргебиз" айлыгынын алкагында өттү.
