БИШКЕК, 10-янв — Sputnik. Алмазбек Атамбаев "Кыргызстанда жекече детективдик жана күзөт ишмердиги жөнүндө" мыйзамга толуктоолорду жана өзгөртүүлөрдү киргизүү жөнүндөгү мыйзамга кол койгонун президенттин аппаратынын маалымат кызматы билдирди.
Мыйзам Жогорку Кеңеш тарабынан 2014-жылдын 4-декабрында кабыл алынган.
Мыйзамдын максаты өлкөдө жекече детективдик жана күзөт ишмердигин өркүндөтүү, ошондой эле ушул тармактагы мыйзамдарды Кыргызстандагы лицензиялык-уруксат берүү системасы жөнүндө мыйзамдарга ылайык келтирүү болуп саналат.
Мыйзам расмий жарыяланган күндөн тартып күчүнө кирет.
