БИШКЕК, 30-янв — Sputnik. "Бишкек — Томск автобус каттамы кайрадан жаңыланды", — деп билдирди Sputnik агенттигинин маалыматынын кабарчысына Транспорт жана коммуникация министрлигинин Автомобиль жана сууда сүзүүчү транспорт боюнча мамлекеттик агенттиктин директорунун орун басары РамаЙнкул Тагаев.
Анын айтымында, каттам былтыркы жылдын 13-декабрында "аба ырайынан жана жүргүнчүлөрдүн аздыгынан" токтоп калган.
"Элди "РоссТрансАзия" ЖЧКсы ташууда. Автобус 23-январдан тарта саат 10:00до Бишкектен Томск шаарына аптасына бир ирет каттап жатат", — деди Тагаев.
Батыш автобекетинин сурап-билүү бөлүмүнөн, Томск шаарына билеттин баасы 3 630 сом турарын кабарлашты.
