БИШКЕК, 13-фев — Sputnik. Жалал-Абад облусундагы Ала-Бука – Жаңыбазар – Кировка автожолунун 60-100-чакырымдарында жана Красная горка – Акташ авто жолунда 12-февраль күнү кечке жуук калыңдыгы 50 сантиметрге чейин кар жааган. Бул тууралуу Транспорт жана коммуникациялар министрлигинин маалымат кызматы Sputnik сайтына билдирди.
Маалыматка ылайык, учурда Ала-Бука – Жаңыбазар – Кировка авто жолу кардан тазаланып, жол кыймылы жөнгө салынды. Бирок, Красная горка – Акташ авто жолунда тазалоо иштери улантылып жаткандыктан автоунаанын кыймылына тоскоолдуктар болууда.
Транспорт министрлиги тазалоо иштери боюнча жана жолдогу кыймыл боюнча кошумча маалымат берет.
