Дебальцево гана "тынчтык" аймагы эмес деп билдирет ДЭРдин вице-спикери

БИШКЕК, 18 фев — Sputnik. Өз алдынча жарыяланган Донецк Элдик Республикасынын (ДЭР) элдик кеңешинин вице-спикери Денис Пушилин Дебальцево шаарында гана убактылуу элдешүү тартиби сакталбай жатканын шейшемби күнү билдирди деп кабарлайт РИА Новости "Россия 24" телеканалына таянуу менен.

ДЭРдин ыйгарымдуу өкүлүнүн айтымында, ок атуулар бардык райондордо токтотулду. Буга Украинанын куралдуу түзүмдөрү турган Дебальцево гана кирбейт.

"Ыктыярчылар — ок атуулар үчүн бута эмес, албетте, Киевдин күч түзүмдөрүнүн аракеттерине жооп кылып курал-жарак колдонулууда", — деди Пушилин 17-февралда "Россия 24" телеканалынан.

Дебальцево — Украинанын түштүк-чыгышындагы калк отурукташкан жер, анда украин темир жолдорунун ири кесилиши жайгашкан. 2014-жылы жайдын ортосунан бери шаар менен ага жакын айылдар украин күч түзүмдөрүнүн көзөмөлү астында турат. Стратегиялык жактан Дебальцевонун баалуулугу – дебальцев деп аталуучу тил ДЭР менен ЛЭРдин аймактарына тереңдеп кирип, Горловка, Енакиево, Шахтерск, Лисичанск жана Стаханов сыяктуу жерлерди алсыз кылгандыгында.

12-февралда "Нормандия төртилигинин" Минскте сүйлөшүүлөрү аяктап, убактылуу элдешүү жөнүндө документке кол коюулушу Украинадагы куралдуу чыр-чатакты чечүүдөгү эӊ маанилүү факт болуп эсептелет. Ок атууларды токтотуу, оор куралдарды алып кетүү, коопсуз тилкени түзүү жана макулдашуунун башка пункттары 16 сааттан ашык созулган сүйлөшүүлөрдүн натыйжасында жетишилген.