БИШКЕК, 25-мар — Sputnik. Америка Кошмо Штаттарынын башчысы Барак Обама Киевге курал-жарак берүү жөнүндө резолюцияны сөзсүз беките тургандыгына ишенич жок деп билдирет АКШ Конгрессинин мүчөсү Майк Роджерс Sputnik International кабарчысы менен болгон маегинде.
"Бул, албетте,мыйзам ченемдүү көрүнүш. Бирок биз, конгрессмендер, эмнени каалап жатканыбызды АКШнын башчысы көп учурда көңүлүнө албайт", — деп бөлүштү Роджерс.
24-мартта АКШ Конгрессинин өкүлдөр палатасы көпчүлүк добуш менен колдогон резолюцияда АКШ президентин өлүмгө учуратуучу коргонуу курал-жарактарын Украинага берүүнү колдоо сунушу айтылган. Бирок документ кеңештөөчү мүнөзгө гана ээ жана АКШ жетекчисин баш ийүүгө милдеттендирбейт.
Дагы бир конгрессмен Хэнк Жонсондун пикиринде, эгер Обама резолюцияга кол коё турган болсо, бул Украинадагы абалды андан да курчутуп жиберет.
"Мага бул документ АКШнын бийлигине азыр Украинада күйүп жаткан отко дагы отун салууга чакырык сыяктуу көрүнөт. Мен резолюцияга каршымын", — деп белгиледи Жонсон.
Резолюциянын тексттин жазган конгрессмендер болсо өз иш-аракеттерин "көз карандысыз, демократиялык жана гүлдөп өсүп жаткан Украинанын эгемендүүлүгүнө кам көрүү" катары караш керек деген ишеничте.
Миңдеген адамдын өлүмүнө документтин авторлору Россия жооптуу дешет. Бирок качкындардын басымдуу бөлүгү РФте баш калка таап жаткандыгы тууралуу алар эч сөз айтпайт.
Россиянын Тышкы иштер министрлиги америкалык курал-жарактын Киевге берилиши мүмкүндүгүн сынга алып, "провокациялык мүнөздөгү резолюция Минск макулдашууларына сокку уруп, Москваны ага жооп кайтарууга аргасыз кылат" деп билдирген.
"Нормандиялык төртиликтин" акыркы жолугушуусунун натыйжалары
2015-жылдын 12-февралында Минскте Россиянын, Германиянын, Франциянын жана Украинанын президенттеринин жолугушуусу болгон. Анын максаты Украинадагы, атап айтканда, Донбасстагы чыр-чатакты жөнгө салуу болчу. Узакка созулган сүйлөшүүлөр "Минск сүйлөшүүлөрүн аткаруу боюнча иш-чаралар комплекси" — 15-февралда түнкү саат 00.00дө ок атууларды ткототуу каралган документти кабыл алуу менен аяктаган эле. Анын дагы бир маанилүү пункту оор куралдарды четке алып чыгып, тынчтык тилкесин түзүү болчу.
