БИШКЕК, 9-апр — Sputnik. КР жарандары Самарада жана Казанда биометрикалык маалыматтарын тапшыра алышат. Бул туурасында ТИМдин маалымат кызматы билдирди.
Буга чейин Россиядагы Кыргызстандын элчилиги март айына карата РФтин аймагындагы биздин 5789 мекендештерибиз биометрикалык маалыматтарын тапшыргандыгын билдирген.
Аталган шаарларда биометрикалык маалыматтарды алуучу көчмө компания 6-10-апрель аралыгында өтөт.
Мекендештер аны Самарада "Кировский" базарында, "Манас-Ата" кыргыз диаспорасынын кеңсесинде, ал эми Казанда Элдердин достугу имаратында тапшыра алышат.
Биометриялык маалыматтарды топтоо Кыргызстанда 2014-жылдын август айында башталган. Өлкөнүн 16 жаштан жогорку бардык жарандары бармактарынын изин, сан ариптик сүрөтүн жана жеке кол коюу үлгүсүн тапшырууга милдеттүү Маалыматты топтоо 2015-жылдын 1-августунда аякташы керек. Жалпысынан КРде болжол менен 3 миллион 641 миң адамдын жеке маалыматтарын алуу күтүлүүдө.
