БИШКЕК, 25-апр — Sputnik. Улуу Жеңиштин 70 жылдыгына карата Ош шаарынын борбордук аянтында жеңил атлетика боюнча чуркоо өтүп, жеңүүчүлөргө белек, дипломдорду согуштун ардагерлери тапшырды.
Ош шаарынын мэри Айтмамат Кадырбаев менен кошо шаардагы мекеме-ишканалардын жетекчилери, кызматкерлери, жогорку, орто окуу жайлардын студенттери, мектеп окуучулары, саламаттыкты сактоо жана күч түзүмдөрүнүн өкүлдөрү чуркады.
Калаа башчысы Ош шаардык мэриясы ар кандай максаттагы спорттук иш-чараларды колдоого даяр экенинин билдирип, шаар тургундарын жана жаштарды спорт менен машыгууга чакырды.
Чуркоо 14 түргө бөлүнүп, катышуучулар 400, 500, 1500, 2200 метр аралыкка чуркашты.
