БИШКЕК, 26-май — Sputnik. "Манас" эл аралык аэропортунун "Манас Тренинг центр" туунду компаниясында кызматтык абалдан кыянаттык менен пайдалануу фактысы аныкталганын Улуттук коопсуздук боюнча мамлекеттик комитетинин маалымат кызматы билдирет.
УКМКнын коррупцияга каршы кеңеши "Манас" эл аралык аэропортунун "Манас Тренинг центр" туунду компаниясынын мурунку жетекчилиги тарабынан ТУ-154 аба кемесинин агрегаты төмөн баада сатылып кеткенин аныктады. Мындан улам мамлекетке 1 миллион 961 миң сомдук зыян келтирилген.
Жума күнү аталган факты боюнча Транспорт прокуратурасы тарабынан Кылмыш кодексинин 173-беренесинин ("Алдоо же ишенимден кыянаттык менен пайдалануу аркылуу мүлктүк зыян келтирүү") жана 221-беренесинин ("Коммерциялык же башка уюмдардын кызматкерлеринин ыйгарым укуктарын кыянаттык менен пайдаланышы") негизинде кылмыш иши.
