БИШКЕК, 1-июнь — Sputnik. Москванын батыш тарабындагы ири жол кырсыгынан Кыргызстандын үч жараны набыт болгонун РИА Новости укук коргоо органдарынын маалыматына таянып билдирет.
Кырсык дүйшөмбүгө караган түнү Москва шаарынын батыш тарабында МКАДдан 3 чакырым алыстыктагы М-3 "Украина" федералдык трассасында болгон.
Жол коопсуздугу боюнча мамлекеттик инспекциянын билдирүүсү боюнча, кырсык үч унаанын — ВАЗ-2114, автожүктөгүч жана "Тойота"маркасындагы микроавтобустун кагылышуусунан улам келип чыккан. Машинанын бирөө аласалып кеткен.
"Жол кырсыгынан каза болгондор жана жапа чеккендер КР жарандары", — деп айтылат маалыматта.
Россиялык куткаруучулар Кыргызстандын ӨКМ менен биргелешип иш алып барууда. Бардыгы болуп жол кырсыгынын кесепеттерин жоюуга 34 адам жана 10 техника унаасы тартылган.
