БИШКЕК, 3-июнь — Sputnik. Нарын облусунун 89 айылдары үчүн башкы пландар иштелип жаткандыгын Курулуш жана турак-жай чарбасы боюнча мамлекеттик агенттиктин маалымат кызматынан билдиришти.
Аталган ведомстводон Архитектура жана шаар куруу боюнча башкармалыгы облустагы калк отуркташкан жерлерди башкы пландар менен камсыз кылуу максаты коюлгандыгын кабарлашты.
Нарын облусунда Нарын шаары жана 122 айыл бар. 11 айылдын башкы планы чийилген, ал эми 22 айылда бул боюнча архитекторлор иштеп жатышат.
