БИШКЕК, 11-июнь — Sputnik. Жалал-Абад облусунун Таш-Көмүр шаарындагы өрт кырсыгынан үч жашар эгиздердин өмүрү кыйылганына байланыштуу премьер-министр Темир Сариев балдардын ата-энесине көңүл айтканын өкмөттүн маалымат кызматы билдирет.
Бул сыяктуу кырсыктардын алдын алуу максатында премьер Өзгөчө кырдаалдар министрлигине жана Мамлекеттик экологиялык-техникалык инспекцияга жергиликтүү өз алдынча башкаруу органдары менен биргеликте өрт коопсуздугун сактоо жана анын алдын алуу боюнча иш-чаралардын планын иштеп чыгууну тапшырды.
Мында өкмөт башчысы ата-энелер өзгөчө каникул учурунда балдарын кароосуз калтырбашы керектигин баса белгиледи.
