БИШКЕК, 29-июнь — Sputnik. Кыргызстан Жыргалчылык-2014 рейтингинде 145 өлкөнүн ичинен 14-орунду ээледи. Изилдөөнү Американын коомдук пикирди изилдөөчү Gallup институту жүргүзгөн.
Эксперттер 145 мамлекеттеги 146 миң кишини сурамжылоого алган. Аларга күнүмдүк жашооңузду: ден соолук, киреше, башка адамдар менен болгон алака, коом жана жеке ойлогон нерселерди ишке ашыруудагы мүмкүнчүлүгүңүздү кандай баалайсыз деп суроо салышкан.
Ал эми акыркы орундарды Тунис, Того, Камерун, Бутан жана Афганистан ээледи.
Кыргызстан болсо КМШ мамлекеттеринин ичинен эң жогорку 14-орунду ээлеген. Сурамжылоого катышкан кыргызстандыктардын 33 пайызы жашоо деңгээлин жогору баалашкан. Ал эми 46 пайызы каржылык абалын дээрлик жакшы деп айтышкан.
Түркмөнстан да бул рейтингде 19-орунду ээлеп, алдыңкы жыйырма мамлекеттин катарына кирген.
Россия – 47, Казакстан – 61, Белоруссия – 81, Тажикстан – 83, Украина – 128 орунга илинген.
