БИШКЕК, 3-июль — Sputnik. "Кыргызпочтасы" мамлекеттик ишканасынын Сокулук районундагы бөлүмүнүн кызматкерлери жөлөк пул, пенсия жана акча которуулар үчүн келген 71 миң 847 сомду бербей койгон. Бул тууралуу Башкы прокуратуранын маалымат кызматы билдирди.
Маалыматка ылайык, почтанын кызматкерлери документтерди бурмалап, аталган каражаттар берилди деп көрсөтүшкөн.
Андан сырткары, айдоочулар айып катары төлөгөн 8 миң 400 сомду бюджетке которушкан эмес. Жыйынтыгында мамлекетке 80 миң 247 сом зыян келген.
Аталган факт боюнча тергөө иштери жүрүүдө.
