БИШКЕК, 17-июль — Sputnik. Премьер-министр Темир Сариев чет жерде жашаган кыргызстандык жарандардын кызыкчылыгын коргоо башкы маселе экенин Тышкы иштер министрлигинин коллегиясында билдирди.
16-июль күнү өкмөт башчы, президент аппаратынын, ЖК өкүлдөрү катышкан Тышкы иштер министрлигинин кезектеги коллегиясы болуп өттү.
Коллегия жүрүшүндө ТИМ Эрлан Абдылдаев бул дарым жылдык саясий окуяларга бай болгонун билдирди. Мында Кыргызстандын ЕАЭБге кирүүсү, Атамбаевдин ЕБ мамлекеттерине болгон иш сапары, Уфада өткөн саммитке Кыргызстандын катышуусу, башка мамлекет жетекчилеринин КР болгон сапары айтылды.
Сариев өз сөзүндө Кыргызстандын тышкы саясатына жана артыкчылыктарына токтолуп, өлкөнүн өнүгүшү үчүн жагымдуу шарттарды түзүүгө багытталган иш аракеттерди жигердүү улантуу жана чет жерде жашаган кыргызстандыктардын кызыкчылыгын коргоо мекеменин башкы маселеси болушу керектиги белгиледи.
