БИШКЕК, 24-июль — Sputnik. Өлкө аймагында 25- 27-июлда көп жерлерде жамгырдан улам сел жүрүшү күтүлөт. Бул туурасында ӨКМдин маалымат кызматы кабарлады.
Чүй жана Ысык-Көлдөгү дарыяларда суунун нугу кескин көтөрүлүшү күтүлүүдө.
"Мындай жагдайлардан улам, бардык жарандарды жана тараптарды абайлоого жана кыраакы болууга чакырабыз", — деп эскертти Өзгөчө кырдаалдар министрлиги.
Учурда күндүн ысышынан жана мөңгүлөрдүн эришинен улам, өлкөнүн бир топ аймактарында дарыялар ташып, бир топ жерлерди суу каптаган учурлар кедешүүдө.
