БИШКЕК, 30-июль — Sputnik. Биринчи вице-премьер-министр Тайырбек Сарпашев шайлоого карата жаңы технологиядагы программаны жана жабдууларды тестирлөөнү текшерүү үчүн Баткенге жөнөп кетти. Бул туурасында өкмөттүн маалымат кызматы билдирет.
27-июлдан тарта биометрикалык маалымат боюнча шайлоочуларды масштабдуу идентификациялоо Баткен облусунан баштала турганы белгилүү болгон. Маалыматка ылайык, иш-чара жергиликтүү бийлик менен бирге жүргүзүлмөкчү.
Иш-сапардын алкагында Сарпашев Баткен жана Кадамжай райондорундагы 25 шайлоо участкаларын текшерүүдөн өткөрөт.
31-июль жана 1-август күндөрү биринчи вице-премьер Ош жергесиндеги масштабдуу тестирлөөнүн өтүшүн көзөмөлдөйт.
