БИШКЕК, 2-авг.— Sputnik. КРдин эмгек сиңирген артисти Токон Эшпаевдин кичи мекени Керме-Тоо айылында ырчынын эстелиги тургузулду. Рыспай Абдыкадыров атындагы Ош облустук филармониясынын ырчысы, обончу Токон Эшпаев мындан туура бир жыл мурда, 64 жаш курагында дүйнөдөн кайткан.
Кичи мекени Керме-Тоо айылында музыкантты эскерүү өттү. Ага Эшпаевдин замандаштары, туугандары, кесиптештери, талантын урматтагандар келди. Эстеликти ачуу аземинде өкмөт башчысынын коомдук иштер боюнча кеңешчиси, жазуучу, драматург, экс-министр Султан Раев сөз сүйлөдү.
Анын "Чаткалым", "Акманым", "Ак тилек", "Керме-Тоонун кыздары" сыяктуу чыгармалары ушу күнгө чейин элдин сүйүп уккан ырларынан.
