БИШКЕК, 10-авг. — Sputnik. Бүгүн Ош облустук сотунун имаратынын алдына Мелис Мырзакматовдун 200дөй тарапташтары чогулуп, сотторго ишеним көрсөтпөй тургандыктарын билдиришти деп кабарлайт Ош шаардык ИИБ.
Эске салсак, Мырзакматов шаарды аралап өтчү асма көпүрөнү салууда коррупциялык иштерге барган деп шектелген. 2014-жылдын ноябрь айында Мырзакматов Кылмыш жаза кодексинин "Кызмат абалынан пайдалануу" беренеси боюнча айыптуу деп табылган. Ош шаардык соту анын баш коргоо чарасын камакка алынсын деп чыгарып, издөө жарыялаган. Бирок Мырзакматов өлкө аймагынан чыгып кетүүгө үлгүргөн.
Июлдун аягында Ош шаарынын мурдагы мэри, "Улуттар Биримдиги" саясий партиясынын лидери Мелис Мырзакматов Ош шаардык соту тарабынан сыртынан жети жылга кесилип, эл аралык издөөгө алынды.
