БИШКЕК, 17-авг. — Sputnik. Аламүдүн районундагы ГЭС-3 көлүнө Көчкөнбай Караев аттуу малчы чөгүп кеткенин ӨКМ билдирет.
Маалыматка ылайык, кырсык 16-август күнү түштөн кийин болгон.
Окуя болгон жерге №1 аскерлештирилген өрттөн куткаруу бөлүгүнүн куткаруучулары тартылды. Ошол эле күнү Караевдин жансыз денеси суудан алып чыгып, Аламүдүн райондук милиция кызматкерлерине өткөрүп беришкен.
