БИШКЕК, 17-авг. — Sputnik. "Республика – Ата-Журт" саясий партиясы дем алыш күндөрү съезд өткөрүп, талапкерлердин алдын ала тизмесин жарыялады.
Парламенттик шайлоо 2015-жылдын 4-октябрына белгиленди. Борбордук шайлоо комиссиясынын өкүлү Канатбек Азиздин айтымында, партиялар 25-августка чейин талапкерлердин тизмесин БШКга бериши керек.
Талапкерлердин алдыңкы ондугу:
- Өмүрбек Бабанов, экс-премьер-министр;
- Алтынбек Кылычбаев;
- Алексей Нефадьев, Кыргыз-россиялык славян университетинин ректору;
- Алтынай Өмүрбекова, Бишкектин вице-мэринин милдетин аткаруучу;
- Талант Мамытов, "Ата-Журт" фракциясынан мурунку депутат;
- Акыл Жаманкулов;
- Максат Сабиров, ЖК "Республика" фракциясынын лидери;
- Гүлнара Асылбекова;
- Таабалды Тиллаев;
- Руслан Казакбаев, Тышкы иштер министрлигинин мурунку жетекчиси.
17 Баш оона 2015, 11:12
Сыртынан соттолгон экс-премьер-министр Данияр Үсөновдун жубайы, "Ата-Журт" фракциясынан депутат Динара Исаева 12-орунда турат. Мындан тышкары, тизмеде Жыргалбек Саматов, Кенжебек Бокоев, Улан Чолпонбаев, Курманбек Дыйканбаев жана партия курамына жаңыдан кирген Данияр Тербишалиев бар.
"Республика" фракциясынын Бишкек шаардык кеңешиндеги лидери Мирлан Жээнчороев 33-орунда. Партиянын теңтөрагасы Камчыбек Ташиев 41-орунду ээледи. ИИМ мурунку жетекчиси Зарылбек Рысалиев тизмеде 65-орунда турат.
