БИШКЕК, 18-авг. — Sputnik. Ажыга бара турган адамдардын 3321и эмделгенин, бул жалпы зыяратчылардын 90,1 пайызын түзө турганын саламаттык сактоо министринин орун басары жана Кыргызстандын башкы санитардык дарыгери Олег Горин билдирди.
Маалыматка ылайык, үстүбүздөгү жылдын 29-июлунда башталган эмдөөдөн 3685 зыяратчы өтүшү керек.
"Эмдөө Бишкектин жана облустук үй-бүлөлүк медицина борборлорунда жүрүп жатат. Бардык кабинеттер керектүү дары-дармек менен камсыздалган", — деп айтылат билдирүүдө.
Эмдөө учурунда эч кандай кошумча таасирлер катталган эмес. Иш-чара 20-августка чейин уланат.
Компьютердик тестирлөөдөн өткөн алты медицина кызматкери атайы зыяратчыларды коштоп жүрүү үчүн тандалып алынды.
Быйыл зыяратчылар Сауд Аравиясына 27-августтан 13-сентябрга чейин учуп, 15-октябрга чейин кайра кайтып келишет. Ал эми ажылык сапардын баасы 2550 долларды түздү.
