БИШКЕК, 20-авг. — Sputnik. Парламенттик шайлоого катышуу үчүн сегиз саясий партия шайлоо күрөөсүн тапшырганын Sputnik агенттигине БШК мүчөсү Канатбек Азиз билдирди.
Шайлоо 4-октябрга белгиленген. Шаршемби күнү жарышка катышууда эки, бейшембиде бир партия баш тартканы белгилүү болду. Мындан улам учурда 27 саясий уюм аламан байгеге даярдык көрүп жатат.
Бүгүнкү күндө шайлоо күрөөсүн "Ата Мекен", "Бир Бол", "Өнүгүү-Прогресс", КСДП, "Бүтүн Кыргызстан Эмгек", "Азаттык", "Республика — Ата-Журт" жана "Ар-Намыс" партиялары тапшырды.
Буга чейин шайлоо эсебин 29 партия ачканы маалымдалган. Талапкерлердин тизмесин БШКга азырынча "Ата Мекен" жана "Бир Бол" партиялары гана берди.
