БИШКЕК, 21-авг. — Sputnik. Кыргызстанда алгачкы ирет Street Workout (көчө спорту) чемпионат өтөрүн Sputnik маалымат агенттигине аталган спорт боюнча федерация президенти Тамерлан Богатырев билдирди.
Ачык чемпионат Бишкек шаарындагы №8 мектептин аянтындагы спорт аянтчасында 30 августта өтөт. Чемпионатка каалаган ар бир кыргызстандык катыша алат. Ал эми 40тан ашуун жаран катышууга ынтызарлыгын билдирди.
Иш-чара Эмгек, миграция жана жаштар боюнча министрликтин шаардык спорт комитетинин колдоосунда өтүп жатат.
Street workout — спорттун түрлөрү боюнча ачык асман алдында, сыртта өтүүчү учурда модага айланган багыттардын бири.
