БИШКЕК, 23-авг. — Sputnik. Экономика министрлиги Кыргызстандын аймагына Украинадан келген кумшекердин тоннасынан бажы алымын алууну сунуштайт. Тиешелүү мыйзам долбоору коомдук талкуу үчүн өкмөттүн сайтына жайгаштырылды.
Кыргызстан үчүнчү өлкөлөр менен соода жүргүзүүдө пайдаланылган соода тартиптерин ЕАЭБ өлкөлөрү менен жалпылаштырат. Аталган өлкөлөрдөн келген импортко алым киргизүү ЕАЭБ мамлекеттеринин импорт жана экспорттук мамилелерин жакшыртат.
Импорттун статикасына ылайык, Украинадан 2012-жылы 11,5 миң тонна, 2013-жылы 14,5 миң тоннага көп кумшекер алынып келген. Ал эми 2014-жылы Украина Кыргызстанга таптакыр кумшекер импорттогон эмес.
Министрлик Украинадан кумшекердин келбей калышы жергиликтүү рынокко жана аталган азыкка болгон баага эч кандай таасир тийгизбегенин белгилейт.
