БИШКЕК, 29-авг. — Sputnik. Россиянын Кыргызстан менен кызматташуусу Борбор Азиядагы туруктуулукту камсыздоого жардам берет деп айтылат Владимир Путиндин Кыргызстан элин жана Атамбаевди Эгемендүүлүк күнү менен куттуктаган телеграммасында.
Орус президентинин белгилөөсүндө орус-кыргыз алакалары стратегиялык өнөктөш катары ишенимдүү жана ийгиликтүү өнүгүп келет.
"Кыргызстандын Евразиялык экономикалык биримдикке кириши мамилердин мындан ары да тыгыз өрчүшүнө өбөлгө түздү", — деп айтылат Россиянын президентинин куттуктоосунда.
Путин ошондой эле, Атамбаевдин жетекчилиги алдында өлкөнүн экономикасы алдыга жылып, анын эл аралык иштерде аброю өсүп жатканын баса белгилеген.
