БИШКЕК, 9-сен. — Sputnik. Россиянын аймагына кирүүгө тыюу салынган Кыргызстан жарандары үчүн кара тизмеден чыгуунун мыйзамдуу жолдорун түшүндүрүүчү маалымат баракчасы чыкты.
Россиянын ФМК тизмесинен чыгуу процедурасы түшүндүрүлүп, бардык зарыл документтер көрсөтүлгөн бул маалымат баракчасы паспорт столдорунда, жарандарды каттоо бөлүмдөрүндө (ЗАГС), калкты тейлөө борборлорунда, кыймылдуу жана кыймылсыз мүлктү каттоо бөлүмдөрүндө, миграциялык өкүлчүлүктөрдө, республиканын чек араларында өткөрүү пункттарында жана Бишкек, Ош шаарларынын аэропортторунда кагаз толтуруучу жерлерде илинет. Инфографика түрүндө бул баракчаны sputnik.kg|ru.sputnik.kg сайтынан да табууга болот.
Баракча 2000 нуска менен чыкты.
"Кыргызстан ЕАЭБдин экономикалык аймагына кошулду – бул өлкө үчүн өтө маанилүү окуя. Биздин өлкөгө жана жарандарга жаңы экономикалык биримдикте татыктуу орун ээлөөгө жардам бере турган интеграциялык процесстердин натыйжалуулугу жаңы эрежелер жөнүндө сапаттуу жана ар тараптуу маалыматтын жеткиликтүү болушуна жараша экендигин биз түшүнөбүз", — деди Череменина.
Sputnik (sputniknews.com) — ондогон өлкөлөрдө мультимедиялык маалыматтык хабдарга ээ маалымат агенттиги болуп саналат. Sputnik өзүнө сайттарды, аналогдук жана санарип радиоберүүнү, мобилдүү тиркемелерди жана социалдык тармактарда баракчаларды камтыйт. Атайын жазылгандар үчүн Sputnik күнү-түнү англис, араб, испан жана кытай тилдеринде чыгат.
Эмгек мигранттары "кара тизмеден" кантип чыга аларын Sputnik инфографикасында көрө аласыздар>>
