БИШКЕК, 10-сен. — Sputnik. Тараз шаарында кыргыз айыл чарба продукциясынын жарманкеси өтө турганын "Атакент-Тараз" рыногунун башкы директору Автандил Мамытбеков билдирди.
24 Баш оона 2015, 15:26
19-20-сентябрда боло турган жарманке үчүн беш миң соода орундары даярдалууда.
Мамытбековдун айтымында, казак ишкерлер кыргыз продукциясын сатып алууга кызыкдар, анткени, Казакстанда ошол эле продукциянын наркы Кыргызстанга караганда бир топ жогору.
Жарманкеде Кыргызстандын жети дубанынан келген фермерлердин айыл чарба продукциялары тартууланат. Чек арада азык-түлүк жүгүн Казакстандын Мамлекеттик автоинспекциясы коштоп жүрөт.
Жамбыл облусунун акиминин орун басары Абдалы Нуралиев жарманкеге Казакстандын 16 облусунан келген ишкерлер катышарын белгиледи.
