БИШКЕК, 14-сен. — Sputnik. Ош облусунун Алай районундагы Макалуу-Дөбө аймагында замбиректин үч снаряды табылганын Мамлекеттик чек ара кызматы билдирди.
Маалыматка ылайык, чек арачылар 122 миллиметр калибрдеги жарылбай калган эки снаряд жана жарылган бир снаряддын арткы бөлүгүн табышкан. Учурда ок-дары табылган аймак курчоого алынып, бул тууралуу тийиштүү органдарга маалымат берилди.
Эки күн мурун ушул эле аймакта ушул эле түрдөгү снаряд табылганы белгилүү болгон.
