БИШКЕК, 15-сен. — Sputnik. "Өзүңдү тизмеден текшер" акциясы эртең, 16-сентябрда аяктай турганын биринчи вице-премьер-министр Тайырбек Сарпашев шайлоо участкасында тизмеден өзүн текшерүү учурунда билдирди.
Шайлоочулар менен жолугушууда Сарпашев бүгүнкү күн] 800 миң шайлоочу өзүн тизмеден текшерип кеткенин, он күнгө созулган республикалык масштабдагы акция эртең аяктай турганын белгиледи.
"Иш-чара техникалык мүчүлүштүктөрдү аныктоого жардам берди. Алар шайлоого чейин оңдоп-түзөтүлөт", — деди биринчи вице-премьер.
Эскерте кетсек, буга чейин Мамлекеттик каттоо кызматы биометрика тапшыруу 19-сентябрда аяктай турганын, андан кийин шайлоого байланыштуу 15 күндүк тыныгуу болорун билдирген.
Ал эми биометрикалык маалыматын тапшырбаган жаран шайлоого катышуу укугунан ажыратылат.
