БИШКЕК, 18-сен. – Sputnik. Шайлоо күнүн республиканын жана чет өлкөлөрдөгү бардык участкаларында Мамлекеттик каттоо кызматынын 10 миң 471 оператору биометрикалык маалыматтын жардамы менен шайлоочуларды идентификациялай турганын аталган мекеме билдирди.
Парламенттик шайлоо 2015-жылдын 4-октябрында өтөт. Шайлоочулар биринчи ирет биометрикалык маалыматтын жардамы менен добуш берет. Учурда алдын ала түзүлгөн тизмеде 2 миллион 600 миң шайлоочу катталган.
Операторлордун баары тийиштүү окуудан өтүп бүттү.
"Идентификациялоо жети секунддан бир нече мүнөткө чейин созулушу мүмкүн. Айрым учурда мөөнөтү андан да узарып кетиши ыктымал", — деди МКК жетекчиси Алина Шаикова.
Мекеме муну операторлордун тажрыйбасыздыгы менен байланыштырууда. Мамлекеттик каттоо кызматы шайлоого чейин алардын көнүгүп каларын белгилейт.
