БИШКЕК, 21-сен. – Sputnik. Сокулук районунун жерге орноштуруу жана кыймылсыз мүлккө болгон укукту каттоо башкармалыгынын жетекчилигине карата мыйзамсыз иш-аракеттери үчүн кылмыш иши козголгонун Башкы прокуратура билдирди.
Маалыматка ылайык, аталган жарандар 2014-жылы Военно-Антоновка айылындагы тазалоочу курулушка арналган 3,4 гектар жер аянтын жеке жактарга бөлүштүрүшкөн. Мындан тышкары, 70 жер тилкесине укук берүүчү документ жасашкан.
Текшерүү учурунда аталган жерлер жайыт категориясына кирип, жеке турак-жай куруу үчүн каралбаганы аныкталган.
Учурда тергөө иштери жүрүп жатат.
