БИШКЕК, 23-сен. — Sputnik. Ош шаарынын ар кайсы аймактарында беш балдар аянтчасы ачылды деп билдирди аталган калаанын мэриясынын маалымат кызматы.
Ош шаарынын мэри Айтмамат Кадырбаев балдар мекемесинин ачылыш салтанатына катышып жатып, жыл аягына чейин дагы бир нечеси ишке берилээрин айтты.
"2015-жылдын ичинде жалпысы болуп, 21 балдар аянтчасы ишке берилет. Бүгүн биз бешөөнү ачтык. Башкы максатыбыз — шаар тургундардын жашоосуна ыңгайлуу шарт түзүп берүү", — деди Кадырбаев.
Маалымат кызматынан бул аянтчаларды ачууга президенттик фондудан 2 млн. 300 миң сом, жериликтүү бюджеттен 6 млн. 800 каралгандыгын билдирди. Мындан сырткары эл аралык уюмдар да көмөк көрсөткөн.
