БИШКЕК, 23-сен. — Sputnik. Монополияга каршы жөнгө салуу боюнча мамлекеттик агенттиктин бөлүм башчысы эки миң доллар өлчөмүндө пара алып жаткан жеринен кармалганын Финансы полициясы билдирди.
22 Аяк оона 2015, 11:45
Маалыматка ылайык, аталган мекеменин кызматкери чогултулган материалды укук коргоо органдарынын көз жаздымында калтыруу үчүн беш миң доллар пара талап кылган.
Акчанын бир бөлүгүн алып жатканда колго түшкөн бөлүм башчыга карата Башкы прокуратура тарабынан кылмыш жаза кодексинин "пара талап кылуу" беренеси боюнча кылмыш иши козголду.
Учурда кармалган жаран Бишкек ШИИБ убактылуу кармоочу жайына киргизилди.
