БИШКЕК, 28-сен. — Sputnik. ИИМ кызматкеринин жогорку билими жөнүндөгү жасалма дипломду колдонгон факты аныкталганын Коррупцияга каршы кызматы билдирди.
22 Аяк оона 2015, 11:45
Маалыматка ылайык, ИИМ түзүмүндө иштеген кызматкер кызмат тепкичинен жогорулоо үчүн 2007-жылы Кыргыз Улуттук университетинин жасалма дипломун алган. Текшерүү учурунда анын аталган окуу жайда окубагандыгы белгилүү болгон.
Бул факт боюнча Бишкек шаарынын Ленин райондук прокуратурасы Кылмыш жаза кодексинин 350- беренесине ("Документтерди, мамлекеттик сыйлыктарды, штамптарды, мөөрлөрдү, бланктарды колго жасоо, даярдоо, сатуу же алардын жасалмаларын пайдалануу") ылайык кылмыш ишин козгоду.
Азыркы маалда тергөө иштери жүрүп жатат.
