Ош калаасынын мэри Айтмамат Кадырбаев делегацияга көпүрө пайдаланууга октябрь айында берилерин маалымдады.
"Учурда көпүрөнүн бетон плиталары коюлуп бүтүп, анын үстүнөн изоляциялоо иштери жүрүүдө. Бул жерге Россиядан атайын алынып келген акыркы технологиялык жабдуулар менен бирге эле, Ош шаарында чыгарылган курулуш тетиктери пайдаланылып жатат. Куруучулар да Кыргызстандын жарандары болгондуктан, мындан ары ири курулуш долбоорлору өз колубуздан келерин далилдешүүдө", — деди Кадырбаев.
Бул объектиде 120дан ашуун курулушчу эки нөөмөт менен иштеп, 15 техника иш алып барууда.Учурда анын 90 пайызы бүттү.
Ошондой эле курулуштун долбоорунан сырткары, Мажүрүм-Тал көчөсү, Навои көчөсүнүн эки тарабы толугу менен асфальтталып, кошумча Өзгөн көчөсү ачылмакчы.
