БИШКЕК, 7-окт. — Sputnik. "Кыргызалтын" ишканасынын филиалы Тогуз-Торо районунда жайгашкан "Макмалалтын" фабрикасынан бир килограммдан ашуун алтын уурдалганын УКМК билдирди.
Маалыматка ылайык, алтын кенин кайра иштетүү процессинде каттоого алынган алтын менен колдогу баалуу металлдын ортосунда 1 килограмм 14 грамм алтындын айырмасы чыккан. "Кыргызалтын" бул боюнча атайы комиссия түзүп, ал фабриканын кызматкерлеринин жардамы менен алтындын уурдалганын аныктап чыккан.
Мындан улам "Кыргызалтын" ишканасына 2 миллион 491 миң сом зыян келтирилген.
Аталган факт боюнча Башкы прокуратура тарабынан Кылмыш жаза кодексинин 221-беренесинин ("Кызмат абалынан кыянаттык менен пайдалануу") жана 164-беренесинин ("Уурулук") негизинде кылмыш иши козголду.
