БИШКЕК, 7-окт. — Sputnik. Алмазбек Атамбаев Темир Жумакадыровду КР Коргоо кеңешинин катчылыгына дайындоо жөнүндө жарлыкка кол койгонун президенттин маалымат кызматы билдирди.
Бул тууралуу мамлекет башчысы президенттин аппаратынын түзүмдүк бөлүмдөрүнүн жетекчилери менен болгон кеңешмеде жарыя кылды.
Мамлекет башчысы Жумакадыровдун жаңы кызматта аткара турган негизги милдеттерди белгиледи. Алар төмөндөгүлөр:
- Аскердик реформанын негизги өлүгүн аягына чыгарып, аскер күчтөрүн мындан ары бекемдөөнү камсыз кылуу жана Кыргызстандын Куралдуу күчтөрүнүн Башкы командачысы бекиткен тиешелүү пландарды аткаруунун жүрүшүн координациялоону күчөтүү.
- Укук коргоо органдарында жүргүзүлүп жаткан реформаларды координациялоону камсыз кылуу. Бул жерде кеп Кыргызстандын укук коргоо органдарынын ишинде негизи жок бири-бирин кайталоолорго жол бербей, натыйжалуу өз ара аракеттенишүүнү камсыз кылган укук коргоо органдарынын иштиктүү системасын түзүү туурасында жүрүп жатат.
- Коррупцияга каршы күрөштүн натыйжалуулугун жогорулатып, коррупцияга каршы чаралардын бекитилген пландарын мамлекеттик органдар тарабынан конкреттүү ишке ашырылышына көзөмөл кылуу.
