БИШКЕК, 8-окт. — Sputnik. Ош облусунун мусулмандар казыятында райондордун имамдары, диний окуу жайлардын мүдүрлөрү менен болгон жыйындагы негизги талкуу диний окуу жайлар арасында илимий жана спорттук мелдештерди өткөрүү туурасында болду. Бул тууралуу Ош облусунун мусулмандар казыятынын маалымат кызматы билдирет.
Облустун казысы Самидин Атабаев диний кызматкерлерди даярдоочу мекеме болуп медресе, Ислам институттары эсептелерин белгилеп, райондук баш имам хатибдер, медресе мүдүрлөрүнө диний окуу жайлардын билим берүү деңгээлин жогорулатып, окуу жайлар арасында тажрыйбаларды бөлүшүү менен тыгыз байланышты күчөтүү боюнча тапшырмаларды берди.
Жыйында октябрь айынын соңунда облустун бардык медреселеринин арасында спорттун футбол, воллейбол, теннис түрү боюнча мелдеш өткөрүү чечими кабыл алынды.
Учурда Ош облусунда эки Ислам институту, 11 медресе иштейт.
