БИШКЕК, 13-окт. — Sputnik. Ош шаарындагы "Датка" соода комплексинин кампа жайында кытайлык жарандын сөөгү табылганын Ош ШИИБ билдирди.
Ыкчам-иликтөө аракеттеринин натыйжасында өлгөн адам 42 жаштагы кытайлык аял экени аныкталып, ал башына, моюн жагына бычак жегени такталган.
Маалыматка ылайык, аял күйөөсү менен курулуш материалдарын жана санитардык техника сатып күн көрүп келген. Кырсык болгон күнү жолдошу Бишкекте экени маалым болду.
18 Аяк оона 2015, 17:45
Кылмыштын чоо-жайын иликтөө үчүн тийиштүү экспертиза дайындалып, аялдын жакындары, тааныштары суракка алынган. Тергөө тобу түзүлүп, бул боюнча кылмыш иши козголгон.
Натыйжада окуяга шектүү катары 27 жаштагы кытайлык жаран колго түшүрүлгөн. Текшерүүнүн жыйынтыгына ылайык, кармалган адам да аталган соода борборунда эмгектенип келген. Сурак учурунда ал бардык күнөөнү мойнуна алып, аялды өч алуу үчүн өлтүргөнүн билдирген.
Учурда кылмышкер убактылуу кармоочу жайга киргизилди.
