БИШКЕК, 15-окт. — Sputnik. Баткен шаарында өлкөдөгү бөлүштүрүүчү энергокомпаниялар арасында "Жылдын мыкты бригадасы" наамы үчүн мелдеш башталды.
Үч күнгө созулган жарышка "Ошэлектр", "Жалалабадэлектр", "Түндүкэлектр" жана "Чыгышэлектр" бөлүштүрүүчү энергокомпаниялар катышып, жети баскыч боюнча күч сынашат. Мелдештин жеңүүчүсү аталган энергокомпаниянын мыкты бригадасы КМШ өлкөлөрүнүн жарышына жолдомо алат.
Совет мезгилинен бери салтка айланган бул мелдеш Кыргызстанда эки жылда бир жолу өтөт. Анда калыстар кызматкерлердин билим деңгээли, мамы жана зым алмаштыруу, өрт өчүрүү, электр тогуна урунган жаранды куткаруусу боюнча баалашат.
