БИШКЕК, 22-окт. — Sputnik. Эртең Кыргызстандын көпчүлүк аймактарында кар аралаш жаан жаап, тоо этектеринде жана тоолуу райондордо да кар жаашы күтүлөрүн ӨКМ билдирди.
Бишкек шаарында түнкүсүн жана эртең менен кар жаайт, күндүз жаан-чачын күтүлбөйт. Туман түшүшү мүмкүн. Батыштан соккон шамалдын ылдамдыгы секундасына 2-7 метрге чейин жетет. Түнкүсүн абанын төмөнкү температурасы —1…-3 градус суук, күндүз 1…3 градуска чейин жылуу болот.
Ош шаарында жаан жаайт. Абанын түнкү температурасы 3…5 градус, күндүз 6…8 градус жылуу болушу күтүлөт.
Чүй, Талас, Ош, Жалал-Абад, Баткен облустарынын айрым жерлеринде туман түшүшү күтүлөт. Тоолуу аймактардын автожолдорунда тайгак болот.
