БИШКЕК, 23-окт. — Sputnik. Үстүдөгү жылдын 26-октябрында белгиленүүчү Жергиликтүү коомчулуктар күнүнө карата Sputnik Кыргызстан эл аралык маалымат агенттиги Жергиликтүү өз алдынча башкаруу иштери жана улуттар аралык мамилелер боюнча мамлекеттик агенттиктин төрагасы Бакыт Рыспаев менен маектешет.
Аталган агенттик Кыргызстан элинин салттарына негизделген өз алдынча башкаруунун айкын жана бөтөнчө бир үлгүсүн өрчүтүп калыптандырууга өбөлгө түзүп келет.
Рыспаев агенттиктин иши тууралуу окурмандарды кенен тааныштырып, алдыдагы аракеттери тууралуу маалымат бермекчи.
Маек кыргыз жана орус тилдеринде жарыяланат.
Sputnik (sputniknews.com) —ондогон өлкөлөрдө мультимедиялык маалыматтык хабдарга ээ маалымат агенттиги болуп саналат. Sputnik өзүнө сайттарды, аналогдук жана санарип радиоберүүнү, мобилдүү тиркемелерди жана социалдык тармактарда баракчаларды камтыйт. Атайын жазылгандар үчүн Sputnik күнү-түнү англис, араб, испан жана кытай сыяктуу 35 тилде маалыматтарды таратат.
