БИШКЕК, 27-окт. — Sputnik. Суук түшкөндөн кийин Бишкекте селсаяктар үчүн атайы жайлар ачыла турганын мэрия билдирди.
25 Аяк оона 2015, 16:36
Маалыматка ылайык, алдыдагы кыш мезгилине карата ачыла турган жайларда бир ирет ысык тамак берилип, селсаяктык менен күн көргөн жарандардын жатар жери камсыздалат.
Мында Бишкектин Свердлов районундагы 40-50 кишиге ылайыкталган имарат оңдолуп, мештер орнотулуп, алты тонна көчүр жеткирилди. Учурда жууркан-төшөк сатылып алынууда.
Октябрь районундагы 12-кичи райондо ачыла турган жай 60 кишини кабыл алууга даяр. Мындан тышкары, Ленин районунда туруктуу негизде иштеген "Кайрымдуулук борбору" учурда барар жери жок 28 бала менен 20 аялды күнүнө бир жолу ысык тамак жана жатар жери менен камсыз кылып келет.
