БИШКЕК, 28-окт. — Sputnik. Жаңы чакырылыштагы Жогорку Кеңешке келген алты фракциянын лидерлери ким болору аныкталды.
Шаршемби күнү жаңы парламенттин биринчи жыйыны болуп, 120 депутат мандаттарын алып, ант беришти.
КСДП фракциясын буга чейин жетектеп келген Чыныбай Турсунбеков кайтадан лидер болуп калды.
"Республики — Ата-Журт" фракциясын Өмүрбек Бабанов жетектей турган болду.
Ал эми "Кыргызстан" фракциясын Канат Исаев, "Өнүгүү-Прогресс" фракциясын Бакыт Төрөбаев, "Бир Бол" фракциясын Алтынбек Сулайманов жана "Ата Мекенди" Өмүрбек Текебаев жетектемей болду.
Эми Жогорку Кеңеште үч күн ичинде коалициялык көпчүлүк түзүлүп, төрага шайланышы керек.
