БИШКЕК, 2-ноя. — Sputnik. Премьер-министрликке жалгыз Темир Сариевдин, ал эми парламент төрагалыгына Асылбек Жээнбековдун талапкерлиги көрсөтүлүп жатканын КСДП фракциясынын лидери Чыныбай Турсунбеков билдирди.
Анын айтымында, Сариев мамлекетти өнүктүрүүнүн туруктуу багытын сактап, улантып кетет.
Дүйшөмбү күнү КСДП, "Ата Мекен", "Өнүгүү — Прогресс" жана "Кыргызстан" фракциялары коалициялык макулдашууга кол койду. "Туруктуулук, Жогорку Кеңешке ишеним жана жаңы мүмкүнчүлүктөр" деп аталган коалиция 80 депутаттан туруп, аны КСДП лидери Чыныбай Турсунбеков жетектейт.
Учурда Сариев премьер-министрдин милдетин аткаруучу болуп келет, ал эми Асылбек Жээнбеков өткөн чакырылыштагы парламентке төрагалык кылган.
