БИШКЕК, 4-ноя. — Sputnik. Жогорку Кеңештин көпчүлүк коалициясы өкмөт башчылыкка сунуштаган Темир Сариев учурда парламентте өзүнүн прораммасы боюнча депутаттардын суроолоруна жооп берип жатат.
Ал өкмөттүн курамы менен депутаттарды тааныштырып, биринчи вице-премьер-министрликке Аалы Карашев, Экономика жана инвестиция маселелери боюнча вице-премьерликке Олег Панкратов, Социалдык маселелер боюнча вице-премьерликке Гүлмира Кудайбердиева сунушталганын билдирди. Андан ары маалымат берип, өкмөттүн курамы өзгөрүүгө көп учурабагандыгын айтты.
"Негизги курамды сактап калдык. Эл арасында да өкмөткө иштегенге убакыт бербейсиңер деген сын-пикилер айтылып келет. Бул эске алынды. Мен өкмөттүн мындан аркы иштери боюнча жоопкерчиликти толук мойнума алам", — деди Сариев.
Ал келерки эки жылда өкмөттүн көздөгөн негизги максаты – инфраструктураны өнүктүрүү жана экономиканы турукташтыруу, Кыргызстанга каржылык инвестицияларды тартуу экендигин айтты.
Сариев сунуштаган төмөнкү курамды депутаттар талкуулап жатат:
- Экономика жана өнөр жай министрлиги — Арзыбек Кожошев
- Ички иштер министрлиги – Мелис Турганбаев
- Юстиция министерлиги– Жылдыз Мамбеталиева
- Каржы министрлиги – Адылбек Касымалиев
- Өзгөчө кырдаалдар министрлиги – Кубатбек Боронов
- Социалдык өнүктүрүү министрлиги – Кудайберген Базарбаев,
- Билим берүү жана илим министрлиги — Элвира Сариева
- Маданият, маалымат жана туризм министрлиги — Алтынбек Максутов
- Саламаттык сактоо министрлиги – Талантбек Батыралиев
- Транспорт жана байланыш министрлиги – Аргынбек Малабаев
- Айыл чарба жана мелиорация министрлиги – Турдуназир Бекбоев
- Тышкы иштер министрлиги — Эрлан Абыдлдаев
- УКМК – Бусурманкул Табалдиев.
Коргоо иштери боюнча мамлекеттик комитетти жетектөөгө ким сунушталары азырынча белгисиз.
