БИШКЕК, 11-ноя. — Sputnik. Нарын облусундагы Алыш-Дөбөлү айылында жаңы мектеп ачылганын Билим берүү жана илим министрлиги билдирди.
Маалыматка ылайык, окуу жайдын курулушу 2014-жылдын май айында башталган. Мектеп 100 окуучуну кабыл алууга ылайыкташтырылып, бардык заманбап талаптарга жооп берет. Курулуш түрк гранты менен республикалык бюджеттин эсебинен жүрдү.
Аталган айылдын окуучулары 1993-жылдан баштап айылдан үч чакырым алыстыктагы райондук профсоюздун имаратында окуп келишкен.
Мектепти ачуу салтанатына билим берүү жана илим министри Элвира Сариева катышты.
