БИШКЕК, 26-ноя. — Sputnik. Россиянын Иркутск облусунда эки микроавтобустун кагылышуусунан үч кыргыз, үч орус жана бир тажик каза болгонун "Замандаш" ассоциациясы аталган аймакта жашаган кыргызстандык Тынчтыкбек Абдылдаевдин сөзүнө таянып билдирди.
Буга чейин Россиянын Иркутск облусу боюнча ИИМи жол кырсыгы М-53 унаа жолунунун 1418-чакырымында Нижнеудинсктен 40 чакырым алыстыкта болгонун, анда каза болгон жүргүнчүлөрдүн баары Россиянын жарандыгы алган кыргыздар экенин кабарлаган. Анда "Тойота Хайс" менен "Санг Янг Истана" микроавтобустар бетме-бет сүзүшүп кеткени айтылып, каза болгондордон тышкары, дагы эки жабырлануучу ооруканага жеткирилгени айтылган.
Маалыматка ылайык, Нижнеудинск-Тулун багыты боюнча кетип бара жаткан "Санг Янг Истана" унаасында товар алуу үчүн Братск шаарына байма-бай каттаган жарандар экени белгилүү болду.
